Елімізде ауыл қызметкерлері үшін тұрғын үй салу кезінде жұмыс беруші шығындарының 50 процентін субсидиялай отырып, ауылда тұрғын үй салу тетігін енгізу жоспарлануда
Индустрия және инфрақұрылымдық даму вице-министрі Қайырбек Өскенбаев ауылда салынатын үйлердің құрылыс шығындарын өтеу тәртібі жайлы айтты.
Оның айтуынша, ауылда тұрғын үй салу жобасы ұсынылды. Ауылда жұмыс істейтін мамандар үшін жұмыс беруші шығындардың 50 процентін төлейді.
«Ең алдымен жұмыс беруші ауылға қажетті мамандардың тізімін әкімшілікке ұсынады. Әкімдік тарапынан мамандар тізімі қаралып, индустрия және инфрақұрылымдық даму министрлігіне жолданады. Нәтижесінде, рұқсат алынғаннан кейін тұрғын үй салуға болады. Ал мемлекет тарапынан шығынның 50 проценті төленеді», — деді Қайырбек Өскенбаев.