Қазақстанда цемент өндірісі 18%-ға артты - Деловая Жизнь Казахстана
construction
Редактор 04 мая, 2021 163 Блог «Налоги Алматы» На прочтение: 1 минута

Қазақстанда цемент өндірісі 18%-ға артты

Отандық цемент зауыттары артық өндіріс дағдарысына тап болуы мүмкін Биылғы жылдың бірінші тоқсанында қазақстандық компаниялар 2,1 млн тонна портландцемент өндірді, бұл 2020 жылдың бірінші тоқсанымен…

Отандық цемент зауыттары артық өндіріс дағдарысына тап болуы мүмкін

Биылғы жылдың бірінші тоқсанында қазақстандық компаниялар 2,1 млн тонна портландцемент өндірді, бұл 2020 жылдың бірінші тоқсанымен салыстырғанда 17,6%-ға жоғары.
Бір жыл бұрын осы кезеңде өндіріс 1,8 млн тоннаны құрап, көрсеткіш 23,3%-ға өскен еді, деп хабарлайды energyprom.kz. Аймақтар бойынша өндіріс көлемінің жартысынан көбі Шымкентке (502,4 мың тонна, жылына 4,9% қосылды), Шығыс Қазақстанға (381 мың тонна, +4%) және Қарағандыға (281,8 мың тонна, +17,6%) тиесілі. Тұтастай алғанда 2020 жылдың қаңтар-желтоқсанында 10,8 млн тонна портландцемент өндірілді, бұл 2019 жылдың сәйкес кезеңімен салыстырғанда 8,9%-ға жоғары. Екі айдың қорытындысы бойынша отандық компаниялар цементке сұранысты (ішкі нарықта сату және экспортты қоса алғанда) 94,1%-ын қамтамасыз етті, бір жыл бұрынғы көрсеткіш 93,1% еді. Импорттың үлесі сәйкесінше 5,9%-ды құрады.
Қазақстанға 77,6 мың тонна құрылыс материалы әкелінді, бұл өткен жылмен салыстырғанда 12,9% артық. Экспорттың үлесі 21,2%-ды құрады. Сыртқа тауар шығару бір жыл ішінде 26,2% өсіп, 281,3 мың тоннаға жетті. Өз кезегінде, ішкі нарықта 1 млн тонна цемент сатылды, бұл бір жыл бұрын көрсеткіш 768,1 мың тонна болатын. Сонымен бірге, Қазақстан цемент зауыттары артық өндіріс дағдарысына тап болуы мүмкін. Компаниялар елдің ішкі нарығына қажеттіліктен 2 есе жоғары өнім шығара алады. Бұған қоса елімізге әкелінетін материалдар импортының үлесі жоғары. Жыл басынан бастап екі ай ішінде Қазақстан 13,7 млн долларына 282,4 мың тонна шлак және суперсульфат цементін экспорттады. Жылдық өсім 26,3%, ақшалай мәнде 38,7%-ды құрады. Экспорттың басым бөлігі Өзбекстанға тиесілі: 11,7 млн долларға – 240,7 мың тонна. Қазақстан Ресей мен Қырғызстанға тағы 21 мың тонна жөнелтті.