Кәсіпкерлерге арналған мобильді қосымша пайда болады - Деловая Жизнь Казахстана
897fbc43ee27021e Кәсіпкерлерге арналған мобильді қосымша пайда болады
Редактор 04 июня, 2021 221 Блог «Налоги Алматы» На прочтение: 42 секунды

Кәсіпкерлерге арналған мобильді қосымша пайда болады

Үкіметте кәсіпкерлік қызметті жеңілдетуге, соның ішінде жеке кәсіпті ашу мен жабуға, салықтарды есептеу мен төлеуге, салық есептілігін толтыруға арналған электронды е-Salyq-Business мобильді қосымшасының таныстырылымы өтті…

Үкіметте кәсіпкерлік қызметті жеңілдетуге, соның ішінде жеке кәсіпті ашу мен жабуға, салықтарды есептеу мен төлеуге, салық есептілігін толтыруға арналған электронды е-Salyq-Business мобильді қосымшасының таныстырылымы өтті

Премьер-Министрдің бірінші орынбасары Әлихан Смайыловтың төрағалығымен өткен кеңес «e-Salyq-Business мобильді қосымшасын енгізу» тақырыбына арналды. Мобильді қосымша онлайн режимде жеке кәсіпкер ретінде тіркелуге, салық режимін таңдауға немесе өзгертуге, чек беруге, салық есептілігін қалыптастыруға/жіберуге, салық төлеуге, хабарлама/анықтама алуға, төлемдерді басқаруға және мемлекеттік кірістер органдарынан белгілі бір қызметтерді алуға мүмкіндік береді, деп хабарлайды Үкімет басшысының сайты.
Әзірлеушілер салықтар мен әлеуметтік төлемдерді есептеуді, салық есептілігін толтыру мен ұсынуды, кірістер мен салықтардың есебін жүргізуді автоматтандырды. «Е-Salyq-Business»-ты пилоттық түрде іске қосу осы жылдың шілде айына жоспарланған.
Бірінші кезеңде қолданушылар саны шамамен 100 мың адамды құрайды деп күтілуде. Ә. Смайылов адамдардың кәсіпкерлікпен айналысуы үшін қолайлы жағдай жасаудың маңыздылығын, оның ішінде салық міндеттемелерін орындау мейілінше жеңілдету қажет екенін атап өтті. Премьер-Министрдің бірінші орынбасары аталған бағыттағы жұмысты күшейтуді тапсырды.